شيئ يجرح القلب جرحين

شيء يجرح القلب جرحين



تدري وش اللي يجرح القلب جرحين
ويمد حبـل الحـزن فيـك ويشده

انك تناظر طفل مـن غيـر أبوين
يمشي ودمعـة سايـل فـوق خـدة

منظر صعب ويقسم القلـب قسميـن
لا قـام يمسـح دمعـة بكـف يده

يمشي ولا يدري طريقة علـى ويـن
لين التعب من كثـر مـا تـاه هده

أثقل حـروف يشيلهـا فيه حرفيـن
لا أب يهتم فيه ولا أم ترده

في خطوته رحلـة ودمعـة وسكيـن
وحـظ توسـد بالمراسـي مـخـدة

جيت اسأله بالله قللـي ولـد ميـن
وبغي يجاوب وختنـق صـوت ردة

أنـا يتيـم ومـا لدربـي عنـاويـن
.وجزر الحزن فينـي يسـاوي لمـدة

وطعم الطفولة ما عرفته لهـا لحيـن
وثوب السعادة صـرت منيب قده

ابكي إلى من شفت غيـري سعيديـن
ليـن البكـا فينـي يوصـل لحـدة

واقفي ورحت امسح دموعي من العين
وعيني تناظـر دمعتـه فـوق خـدة

وهذا اللي يجـرح القلـب جرحيـن
ويمد حبل الحـزن غصـب ويشده

آمين آمين
و لا يحرمنا احنا كمان من اهلينا