المنجوس منحوس لو حط على راسو فانوس

مثل مابصدقو أغلب النآس .. لكن هذي القصة تثبت صحة المثل

هدا يا سادة يا كرام كان في واحد كل ما عمل مشروع بخسر

وكل مامسك شي خربو وكل ماراح مكان صار في مشكلة

وهل الأمر خلا حياتو نكد بنكد وحزن بحزن وهم بهم

ربي ما ينزل على قلبكن لاهم ولا نكد قولوا آمييييييين

لحد ما آخر شي زهق من حالتو ومن عمرو وقرر يهاجر من البلد

يمكن... لعل وعسى تنفتح بوجهو

ربي ما يسكرها بوجه حدا قولوا آميييييييييين

راح على المطار وحجز وركب بطيارتو وسافر بالسلامة

ربي يرجع كل مغترب لبلدو بالسلامة قولوا آميييييييييييين

طارت الطيــــــــــــــــــــــــــــــارة

والجو هدوووووووء

وكل شيء تمام ولله الحمد

وفجأة

صارت الطيارة ترج وتهز

وبين انو في شي مالو طبيعي

واذا بالمضيف يعلن خبر الشؤم للركاب وقال :

سيداتي سادتي يبدو أن هناك عطل بالطائرة ويؤسفني أن أقول لكم ...

الطائرة معرضة للسقوط بأي وقت ترحموا على أرواحكم

أخوكن المنحوس انتبه وقال :

إييييييييييه ، مافي غيري أنا السبب

أنا المنحووووووووووس

وهذا النحس اللي ملاحقني بكل مكان ورح يعرض كل هل الأبرياء للموت بسببي

مو معقولة أتسبب في وفاة 300 شخص وأنا ساكت

لازم اعمل شي

وفكر

وفكر

وفكر

وفكر

وفجأة

لمعت في راسه هالفكرة العجيبة

وقام استأذن في الدخول على الكابتن

وبسبب الحالة يلي كان فيها الكابتن وطاقم الطائرة سمحولوا يفوت

وهنيك سأل أخوكم المنحووووووووووس

خير ياكابتن شو في بالطائرة

قال الكابتن العجلات مو راضية تنزل

قال المنحوس : بسيطة ، افتحولي باب الطيارة وأنا حنزل أفتحها يدويا من تحت

وهو ياسادتي كان في قرارة نفسو ينتحر ... بإن يرمي حالو من الطيارة على أساس يحافظ على أرواح

الناس اللي رح يموتوا بسببو وينقذ الطيارة من السقوط

الطيار رفض طبعا وقال له أن هذا غير ممكن وفيه خطوره على حياته

ووو ...ووو .... وو..... وو...و.. و.....

لكن أخوكن المنحوس أصر على فكرتو خايف على الناس ياعيني عليه

والطيار طبعا خايف على عمرو وعلى منصبو ومركزو لهيك وافق

وفتحوا باب الطيارة

ولما اجى أخوكن المنحوس ليرمي حالو من الطيارة

إلتفت

وإذ

بلاقي على العجلات حديدة مانعة العجلات من النزول

قال لجرب شيلا بركي ...!!! لعل وعسى ... بمشي الحال

ولما أخي المضحي بحياتو شال الحديدة انفتحت العجلات وصار كل شي تمام ولله الحمد

و المسكين فرح

وقال : الحمدلله مافي داعي انتحر

ورجع للطيارة ولقى الناس فرحانة وعم تدعيلوا

وطبعا لما نزل على الأرض لقى الناس والصحافة والتلفزيون والكاميرات بالمطار عم يستنوه

وبعد الهيصة واللّيصة

وصل للفندق وهو فرحان وقال لخبر أهلي بوصولي بالسلامة بكونوا شافوني على التلفزيون وغليان

قلبن علي

مسك التلفون

رديت عليه أمو

وياعيني على قلب الأم كانت عم تبكي

قال أكيد يا أمي انتي شفتيني بالتلفزيون أنا يا أمي بخير اطمني

والأم عم تبكي وتبكي وتبكي بحرقة قلب

وهو يقسم انو أنا منيح وما فيني شي

الأم مسكينة ردت بصعوبة من بين الدموع وقالت يا حياتي

أبوك مات

أخوكن المنحوس صرخ مات ..!!! كيف هيك !!! كان مافي شي

قالت : أبوك يا بعد عمري ، كان متضايق شوي و طلع على سطح البيت لحتى يشم شوية هوا

و فجأة وقعت عليه حديدة من السماء

اجت على راسو......ومات

عرفتوا أي حديدة يلي أخوكن المنحوس رماها ..... هي هي بذاتها اجت على راس أبوه

ههههههههههههههههههههههههههههههههههههههههههههههههههههههههههههههههه
المنحوس منحوو على راسو فنوس
عجبتني