Atalouli Co0l
بسم الله الرحمن الرحيم
مرحبا بك بين بساتين وازهار منتدياتنا ورحيق التواصل
وشهدالمحبه والاخلاص
منور بتواجدك معناويسعدنا تواصلك واشتراكك معنا
اتمنى تفيد وتستفيد ولاتبخل علينا بمالديك

انت عضو غير مسجل اضغط على التسجيل للتسجيل او دخول لمشاهدة فئات المنتدى



Free CursorsMyspace Layout
 
الرئيسيةالبــوابـــــــاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 حفلة خطوبتها كان يوم توبتها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Jodi Atalouli
عضو متألق
عضو متألق
avatar

عدد المساهمات : 2393
تاريخ التسجيل : 31/05/2009
العمر : 24

بطاقة الشخصية
الاعضاء فقط:
20/20  (20/20)

مُساهمةموضوع: حفلة خطوبتها كان يوم توبتها   الثلاثاء مايو 04, 2010 11:37 am


حفلة خطوبتى .... سبب هدايتى
-------------------------------


بسم الله الرحمن الرحيم

احب الاول احمد الله على ماهدانى اليه الان , لان فعلا حياتى انا شفت انها اتغيرت تماما

بعد حفلة خطوبتى اللى بعتبرها سبب هدايتى

البداية جات ان جالى عريس ناس كتير قالت كويس والحقيقة انا اول ماقعدت معاه (لانه

كان جواز صالونات اول مرة كنت اتكلم معاه)لقيته كويس وكانت اكتر حاجة عجبتنى فيه

انه كان نزل يصلى العشاء فى الجامع انا اول ماشفت كدة قلت هو دا , المهم يمكن فيه

غلطة انا وقعت فيها ياريت البنات مايقعوش فيها ان انا مقعدتش معاه كتير وكان بيكلمنى

فى التليفون كتير (بس مكانش كلام خارج ولا حاجة ) بس صدقونى هو مكانش بييجى

بحجة انه عايز يدخل بصفة رسمية يعنى بعد الخطوبة فكنت مضطرة اعرفه من خلال

التليفون ووالله معرفتوش كان كله ضحك على الدقون زى مايقولوا كان كله تجمل وانتوا

طبعا متعرفوش من خلال التليفون انطباعات اللى قدامك ايه بيكذب ولا لا ,ومش عايزة

اوصف لكم احساسى كنت بحس انى بكلم واحد مش هيبقى خطيبى ......لا وكانى بكلمه

من ورا قرايبى كنت بحس ان اللى بيحصل دا مش طبيعى , لان الطبيعى انه ييجى ويتكلم

معايا وجها لوجهه مش كلام تليفونات , اللى عايزة اضيفه كمان انى مكنتش بعرف

اتعامل معاه فى العادى كنت بحس انه غريب مش دا اللى بيكلمنى فى التليفون , المهم

جينا علشان نتفق على الخطوبة انا قلتله انى مش عايزة اعمل خطوبة كبيرة علشان مش

عايزة ارتكب ذنوب لانى بجد كنت عايزة اتوب عن اى حاجة عملتها فى افراح قرايبى

او اختى , وكنت اتمنى ابدا معاه حياة كلها طاعة لله , لكن الطامة الكبرى واللى للاسف

ناس كتير بيقعوا فيها ان هو قالى انه عايز يعمل خطوبة كبيرة علشان يفرح اهله,

انا الحقيقة ملقتش حد يشجعنى انى معملش خطوبة كله كان مشجع وخاصة ان دا بقى

العادى , انا مش عايزة اقولكم انى عيطت ليلة الخطوبة وفى الكوافير كنت مخنوقة حسيت

ان مش دا اللى انا طول عمرى بحلم بيه , انا طول عمرى بجد بحلم ان بيتى يبقى بيت

اسلامى بجد فحسيت انى مخنوقة , انا عايزة اقولكم انى كنت ناوية اقعد فى الكوشة

وخلاص ومقمش لكن خدعوك فقالوا انك هتعمل كدة لان اصحابى كلهم ولله الحمد

بيحبونى فكلهم كانوا جايين يجاملوا ...... ولما حد بيحب حد بيحب يجامله ,

ومتتصوروش ان المجاملة دى كانت قد ايه فى ميزان سيئاتى كلهم قاموا رقصوا , اللى

انا بزعل عليه اوى انه رضى انى ارقص وسط اصحابه ازاى وانت المفروض راجل

حجيت وعامل كذا عمرة وبتصلى , للدرجة دى المفاهيم اتغيرت معتش فيه نخوة ,انا بعد

الخطوبة مكنتش مبسوطة كنت حاسة انى على طول مخنوقة وقلقانة على طول , مش

عايزة اقولكم انى متفرجتش على الفيديو الا مرة واحدة واشمئزيت من اللى بيحصل فى

الشريط تحس انك بتتفرج على فيلم خليع كله رقص وخلاعة والادهى ان الرجالة بترقص


وعادى ولا فى دماغهم والبنات العريانة عادى , تفتكروا بعد كل اللى حصل دا الخطوبة استمرت قد ايه ؟؟؟؟؟؟؟؟؟؟؟؟؟؟
شهر !!!!!!

متتصوروش الشهر دا كان سبب فى هدايتى ازاى , انا اول حاجة فرحت بيها لما فسخت

خطوبتى انى هتخلص من العار _شريط الفيديو _ لانى ازاى اقول لولادى عايزاكم

تكونوا بتتقوا ربنا ويشوفوا مامتهم كدة قمة التناقض , حرقت الصور والفيديو وكل حاجة

ممكن تفكرنى بالموضوع دا , ورفضت انى ارجعله تانى أولا : لاختلاف الطباع بينا ,

ثانيا: ان مش دا الشخص اللى ائتمن على نفسى معاه لانه فرط فيا من الاول ,

والموضوع لما بيبدا من الاول بمعصية ربنا مش بيبارك فيه ابدا , نسيت اقولكم لما كنت

بقوله مش عايزين نستصغر الذنوب اللى هنرتكبها فى الحفلة تتصوروا كان رده ايه

؟؟؟؟؟ دى ليلة وهنستغفر , الليلة دى لو كنا متنا فيها والقدر لم يمهلنا اننا نتوب ياترى

كان حالنا هيبقى فى القبر ازاى؟؟؟, ياترى الليلة دى تقلت فى ميزان سيئاتنا اد ايه ؟؟؟,

ياترى لو كنا متنا كنا هنقابل ربنا ازاى ؟؟؟؟, انا الحمد لله ربنا بعد الموضوع دا تاب عليا

من الاغانى , والحمد لله غيرت نمط لبسى تماما , وربنا الحمد لله رزقنى بصحبة صالحة

, وبدات احفظ قرءان , نظرتى اختلفت للحياة تماما , ويكفى الندم اللى ندمته على

الموضوع دا واللى اتمنى من ربنا انه يبدل سيئاتى حسنات ان شاء الله , دى كانت حكاية

هدايتى بهديها لكل واحدة مخدوعة ان الحفلات المختلطة واللى بيحصل فيها اغلب

التجاوزات هى اللى هتفرحها فى ليلة العمر , والله وانا واحدة جربت ساعات مش بتحسى

بيها نهائى , ومش بتجنى من ورا الليلة دى غير فلوس بتخسريها ممكن تعملى بيها

عمرة تكون سبب سعادتك مع جوزك وخاصة فى اول حياتكم , وبتخسرى حسنات كتيرة

انتى محتجاها فى يوم لا ينفع فيه مال ولا بنون الا من اتى الله بقلب سليم , ياريت

ياجماعة كلنا نفوق محتاجين الرجالة اللى بجد اللى ميرضوش على اهل بيتهم الفحش ولو

حتى فى اللبس , نفسنا فى الرجالة اللى ميهمهمش كلام الناس هيقولوا علينا كدة

رجعيين ما يقولوا , بس اهم حاجة نفرح النبى بينا , ومنفرحش الشيطان فينا .


ياريت تدعولى بالثبات وانى مرجعش للى كنت فيه ابدا وربنا يعينى على طاعته وحسن

عبادته ويكفر عنى سيئاتى ماعلمت منها ومالم اعلم , وربنا يهدينا كلنا ........اااااااامين

منقول موقع الشيخ العريفي

نسألكم الدعاء


**************************
[embed-flash(width,height)][/embed-flash]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ataloulicool1.ahlamontada.net
 
حفلة خطوبتها كان يوم توبتها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Atalouli Co0l :: القسم الادبي :: منتدى قصص وروايات للعبرة-
انتقل الى: